新年流流，本來都唔想鬧人，但係特區政府真係一堆廢物。自己把關不力，放任病毒傳入，連呼籲市民戴口罩都唔敢，仲上訴緊條反蒙面法。到出事就推俾醫護人員，但係從來唔給予尊重，OT係分內，送死係應該。相反，黑警施暴話睇唔到，九億OT任拎，仲捧佢地做英雄。緊要時刻，林鄭仲喺外地開會，笑口噬噬接受訪問。自己搞出來的爛攤子，開口埋口話係暴徒所致。以前死硬拒絕嘅民生訴求，宜家攞翻出嚟收買人心，仲厚面皮話係大膽思維、自我突破，當晒係自己嘅德政。一個政府無道、無能、無恥、無膽到這樣的程度，叫人點忍落去？仲想平息民憤？想創你個心啦！（如果佢地仲有個心的話）